Ливандын борбору Бейрут шаарындагы Сауд Арабиянын элчилигине жанаша турган Duroy мейманканасынын алдында жанкечти өзүн жардырып, каза болду. Төрт киши жараат алды. Бул тууралуу Ливан полициясы маалымдады. Бул акыркы жумадагы Бейрутта орун алган үчүнчү жардыруу.
Сирия менен Ирактагы диний касташуулардан улам Ливанда соңку айларда суннит жана шиит коомчулугунун арасында араздашуулар, кол салуу жана жардыруулар көбөйө баштаган.
