“Жибек Жолунун экономикалык алкагында кыргыз-кытай кызматташуусу” деп аталган форумга Кыргызстан жана Кытайдын окумуштуулары, ишкерлери жана мамлекеттик кызматкерлери катышат. Алар Улуу Жибек Жолунун алкагында экономикалык кызматташуу маселесин талкуулашат.
Форум Бишкек гуманитардык университетинде бейшемби, жума күндөрү өткөрүлөт. Бул тууралуу университеттин Чыгыш таануу факультетинин деканы Туратбек Насиратов билдирди. Бизнес-форумга катышуу үчүн жыйырмадан ашуун кытай компанияларынын өкүлдөрү келгенин Насиратов кошумчалады. (AiT)
