Линктер

logo-print
ишемби, 03-декабрь, 2016 Бишкек убактысы 01:58

ИИМ: Экстремисттик кылмыштар саны өсүп жатат


Быйылкы жылдын алты айында Кыргызстандын аймагында экстремисттик маанайдагы 181 кылмыш аныкталды. Өткөн жылдын ушул мезгилинде бул көрсөткүч 133 болчу.

Январь-июнь айларында радикал мүнөздөгү уюмдарга активдүү мүчө катары шектелген 145 адам колго түшүп, алардан беш миңден ашуун экстремисттик маанайдагы каражаттар табылган. Фактылар боюнча 92 кылмыш иши козголду.

Кылмыштардын көбү Жалал-Абад облусунда катталган. Андан кийинки орундарда Ош облусу менен Бишкек шаары турат.

Экстремисттик уюмдардын арасынан “Хизб ут-Тахрирдин” мүчөлөрү басымдуулук кылат. Алардын саны бардык уюмдардын өкүлдөрүн эсепке алганда 76 пайыздан көп. Бул тууралуу бүгүн Ички иштер министрлигинин 10-башкармалыгынан кабарлашты.

Кыргызстанда тыюу салынган диний-экстремисттик уюмдардын саны 12. (SE)

Азаттык Фейсбукта

XS
SM
MD
LG