Баткенде Тажикстандын Ворух айылын айланып өтүүчү Көк-Таш – Ак-Сай – Тамдык – Кишемиш жолунун курулушу 10-июлдан тарта уланмай болду. 7-майдагы чатак учурунда жабыркаган кыргызстандык жарандарга 7 миллион сомдук компенсацияны тажик тарап жакында төлөп берет. Бишкекте эки күндүк чек ара сүйлөшүүсүнүн жыйынтыгы ушундай болгонун "Азаттыкка" вице-премьер-министр Абдырахман Маматалиев билдирди. Анын айтымында, Кулунду - Максат көпүрөсүн куруу иши да уланат.
Чек арада улам чыккан чыр-чатактардын айынан жогорудагы объекттерди куруу токтоп калган. Кезектеги чек ара сүйлөшүүсү бүгүн Бишкекте жыйынтыкталды. Ага тажик тараптан вице-премьер-министр Муродали Алимардон катышты. (BkA/RK)