Бишкек шаарында унаанын саны былтыр 3 эсе өскөн. Бул тууралуу бүгүн "Азаттыкка" шаардык Жол кайгуул кызматынын маалымат катчысы Тилек Оторов билдирди. Анын айтымында, быйыл жыл башында "машиналардын саны 316 миң болчу, жарым жылда андан да көбөйдү". Ал эми 2011-жылы 111 миң, 2012-жылы 112 миң болчу.
Оторовдун белгилешинче, былтыр машинанын саны кескин көбөйгөнүнө эл арасында "Бажы биримдигине кирсек унаа кымбаттайт экен" деген пикир себеп болушу ыктымал. (RK)
