Линктер

ишемби, 10-декабрь, 2016 Бишкек убактысы 12:59

Кенияда согушкерлердин кол салуусунан өлгөндөрдүн саны отузга чукулдады


Буга чейин 18 адам набыт болгону кабарланган. Reuters агенттиги Кения Ички иштер министрлигинин маалыматына таянып билдиргендей, 20 адам Тана Ривер провинциясындагы Гамба районунда согушкерлер полиция участогун аткылаган кезде, ал эми 9 киши Хинди шаарындагы Ламу соода портундагы чабуул учурунда мерт кетти.

Ишемби күнү кечинде болгон бул кол салууларга жоопкерчиликти “ал-Каида” менен байланышы бар “ал-Шабаб” террорчу уюму өзүнө алды. Бул уюм Сомалиде түзүлгөн. Алардын кол салуулары кениялык аскерлердин Сомалинин түштүгүндөгү антитеррордук операцияларга катышканы үчүн өч алуу деп бааланууда.

Азаттык Фейсбукта

XS
SM
MD
LG