"Чек арадагы абал толугу бойдон тынчыды деп биз азыр айта албайбыз" деди бүгүн Бишкекте өткөн маалымат жыйынында коопсуздук боюнча вице-премьер-министр Абдырахман Маматалиев.
Анын айтымында, чатактан кийин жабылган жолдор кечээ ачылды, "түн тынч өттү, коопсуздукту камсыз кылууга күч жетиштүү, көзөмөл бар".
Окуя боюнча эки тараптын версиясы ар башка болуп жаткандыктан Кыргызстан өз көз карашын билдирди. Учурда кыргыз-тажик тобу иликтөө жүргүзө баштады. Тажик тараптын айтымында, алардан 2 адам каза болду жана жетөө жараат алды. Ал эми Кыргызстандан бир аскердин мээси контузия алды. (JsO/RK)
