16-июлда Европа Биримдигинин лидерлери Орусияга жана ага жан тарткан Украинадагы жикчилдерге каршы жаңы санкцияларды киргизиши мүмкүн. Биримдикке кирген 28 өлкөнүн лидерлери активдерди камоо, виза бербөө сыяктуу чараларды карашат. Бирок алар Кошмо Штаттар, Польша жана Балтика жээгиндеги мамлекеттер талап кылгандай катаал санкциялар эмес.
Орусия менен тыгыз соода-экономикалык байланышы бар Германия жана Италия сыяктуу өлкөлөр катаал санкцияларга каршы болууда. (AiT)
