Мамлекеттик салык кызматы унаа үчүн салык төлөөнүн мөөнөтү 1-сентябрда соңуна чыгарын эскертет. Салыкты убагында төлөбөгөндөргө 2000 сом өлчөмүндө административдик айып салынат. Бул тууралуу аталган мекеменин басма сөз кызматы билдирди. Унаалардын бир жылдык салыгы көлөмүнө жана чыгарылган жылына жараша 1-5 миң сом.
Алдыдагы бир жарым ай аралыгында айдоочулар салык органында каттоосу бар экендигин тактап алышы керек.
Республикалык Жол кайгуул кызматынан кабарлашкандай, өлкөдө унаанын саны миллиондон ашат. Бишкек шаарынын өзүндө эле 320 миңдей машине катталган. (SE)
