Москва мэри Сергей Собянин 15-июлда болгон метро кырсыгы техникалык алешемдиктен эмес, айрым метро кызматкерлеринин эрежени сактабаганынан болгонун айтып чыкты.
15-июль күнү Москвада Парк Победы жана Славянский бульвар станцияларынын ортосунда катуу ылдамдыкта бараткан поезд чукул токтоп, 3 вагон рельстен чыгып кеткен. Кырсык эртең менен эл жумушка бара жаткан маалга туш келген.
Натыйжада 23 киши каза таап, 160ка чукул адам жабыркаган. Бул кырсыктан кыргыз жараны Мээрим Арунова каза таап, дагы бир кыргыз жигити М.Марасулов жараат алган (UEz)
