Баткен согушунун ардагерлери 67 миң кишинин колун топтоп өлкө жетекчилигине кайрылуу жолдоду. Бул тууралуу бүгүн Жалал-Абадда өткөн маалымат жыйынында Баткен согушунун ардагерлеринин республикалык кеңешинин төрагасы Сатыбек Молдалиев билдирди. Алар өздөрүнө жана ал окуяда каза тапкандардын үй-бүлөлөрүнө мамлекеттик жеңилдик берүүнү өтүнүүдө.
1999-2000-жылдары болгон Баткен коогалаңына Жалал-Абад облусунан чакырылгандардын ичинен ошондо 17 адам, кийин денесинен алган ар түрдүү жараат, оорудан 40 адам каза тапкан. (YA)
