Линктер

бейшемби, 8-декабрь, 2016 Бишкек убактысы 10:01

ФИФА 2018-жылкы чемпионатты Орусиядан алуу чакырыктарын четке какты


Мындай чакырыктар малазиялык жүргүнчү учактын Украинада кыйрашына Орусиянын ыктымал тиешеси бардыгы тууралуу кеп-сөздөргө байланыштуу айтылууда.

Ошондой эле айрым мамлекеттердин 2018-жылдагы футбол чемпионатты бойкоттоосу боюнча да талкуулар жаралган.

Маселен, Берлинден айрым немец саясатчылары чемпионатты башка өлкөгө көчүрүүгө үндөшүп, футбол мелдешин Германия тосо алуусу мүмкүндүгүн ишара кылышты.

Дүйнөлүк футбол федерациясы – ФИФАнын жума күнкү билдирүүсүндө “тарых спорттук иш-чараларды бойкоттоо же изоляция жана конфронтация саясаты проблемаларды чечүүнүн натыйжалуу жол эместигин көргөздү” ,- деп белгиленет.

ФИФАнын президенти Зепп Блаттер Орусияны дүйнө чемпионатынын конок ээси укугунан ажыратуу чакырыктарын буга чейин быйыл мартта, Крым аннексиялангандан кийин да четке каккан. (UE)

Азаттык Фейсбукта

XS
SM
MD
LG