Линктер

ишемби, 10-декабрь, 2016 Бишкек убактысы 15:02

Газадагы элдешүү көп узабай кайра бузулду


Израил армиясынын аткылоосунан Газанын түштүгүндө ондогон адамдар өлдү. Бул жөнүндө Палестин бийликтери билдирди. Израил өз кезегинде палестин согушкерлерин элдешүүнү орой бузду деп күнөөлөдү. 72 сааттык гуманитардык элдешүү 1-августта жергиликтүү убакыт боюнча саат 8де башталган болчу.

БУУ жана АКШнын ортомчулугу менен макулдашылган ок атышпоонун шарты бузулганын премьер-министр Бинямин Нетаняхунун кеңсеси тастыктады.

Газанын бийликтери маалымдашынча, Израил армиясы Газа секторунда 8-июлдан бери жүргүзүп жаткан чабуулда 1450дөн ашуун палестиналык курман болду. Израил тарап 61 жоокерин жана үч жаранын жоготту.

Израилдин билдиришинче, чабуул шаар-кыштактарды согушкерлердин ракетадан аткылоосунан токтотууну көздөйт.

Азаттык Фейсбукта

XS
SM
MD
LG