6-августка караган түнү Чыгыш Украинадагы Донецк шаарына абадан сокку урулганын “Интерфакс” агенттиги жергиликтүү тургундардын маалыматына таянып жазып чыкты. Сокку украин авиациясы тарабынан жасалган болушу мүмкүн экени кабарланууда.
Күбөлөрдүн айтымында, учактын учуп өткөнү, анын артынан эле эки күчтүү жарылуунун үнү даана угулган.
Сокку дал кайсыл аймакка тийгени азырынча так эмес. Электр жана суу тармактары иштеп жатат. (SE)
