Линктер

жекшемби, 11-декабрь, 2016 Бишкек убактысы 08:46

Тажикстанда кармалган эки жаран Кыргызстанга кайтарылды


Кыргыз-тажик чек арачыларынын сүйлөшүүлөрүнөн кийин 9-августта Тажикстан аймагындагы атышууда колго түшүрүлгөн кыргызстандык эки жаран мекенине кайтарылды. Бул тууралуу Мамлекеттик чек ара кызматынан кабарлашты.

30 жаштагы Дөөлөтбай Гаимов менен 28 жаштагы Бекмырза Матырзаев 9-августтан бери Жерге-Тал районунда убактылуу кармоочу жайда кармалып турушкан. Алар бүгүн минген аттары менен мекенине кайтарылды.

Тажикстандын чек ара кызматынын маалыматында, 9-август күнү саат 17:30 чамасында Тажикстандын Тупакүл аймагында тажик чек арачылары менен кыргызстандык 3 мергенчинин ортосунда атышуу болгон. Аңчылар чек араны мыйзамсыз өтүшкөн деген негизде окуя болгон тажик аймагында колго түшүрүлгөн. Атышууда бир кыргыз жараны каза тапкан. (UEz)

Азаттык Фейсбукта

XS
SM
MD
LG