Бул тууралуу Мамлекеттик тилди өнүктүрүү боюнча мамлекеттик комиссиядан кабарлашты. Маалыматка ылайык, аталган долбоор ЮНИСЕФ менен бирге иштелип чыкты. Анын алкагында өлкө аймагындагы 60тан ашык билим берүү мекемеси тандалып алып, анда тилди үйрөтүүнүн жаңы усулдары жайылтылмакчы.
Буга чейин президент Алмазбек Атамбаев мамлекеттик тилди өнүктүрбөй туруп, этностор арасындагы биримдикти камсыз кылуу мүмкүн эместигин билдирип, улуттук программа даярдоо тапшырмасын берген.Анын алкагында мамлекеттик тилди өнүктүрүү жана тил саясатын өркүндөтүүнүн 2020-жылга чейинки улуттук программасы бекитилген болчу.(BkA)
