Линктер

жекшемби, 11-декабрь, 2016 Бишкек убактысы 04:44

АКШнын чалгындоо кызматы Фоули жөнүндө тасманы чын деп тапты


АКШнын чалгындоо кызматтары “Ислам мамлекети” уюмунун согушчандары америкалык журналист Жеймс Фоулинин башын алуусун көрсөткөн видеотасманы чын деп тастыктады. Улуттук коопсуздук кызматынын өкүлү Кейтлин Хейден 20-августта “...биз бул видео чын деген бүтүмгө келдик” деп билдирди. Франс пресс жана GlobalPost басылмасынын кабарчысы 40 жаштагы Фоулини 2012-жылы ноябрда Сирияда белгисиз куралчандар уурдап кеткен болчу. Эл аралык коомчулук “Ислам мамлекети” уюмунун берегидей видеотасманы 19-августта жарыялоосун сындашууда. “Ислам мамлекетинин” маалымдашынча, Фоули АКШ президенти Барак Обама Түндүк Ирактагы жихадчылардын өңүттөрүнө абадан сокку урууну буйруганы үчүн өч алуу максатында өлтүрүлгөн. Видеодо 2013-жылы августта уурдалган экинчи америкалык журналист Стивен Сотлоф да өлтүрүлөт деп эскертилет.

Чек арасыз кабарчылар уюмунун башкатчысы Кристоф Делуар америкалык журналистин башы алынууда делген видеотасмага байланыштуу: "Сирияда өз милдетин аткарып жүргөн 38 журналист өлтүрүлгөндөн кийин Жеймс Фоули менен эмне болгонун карап туруу өтө коркунучтуу. Бул өлтүрүү Сирияда бардык журналисттерди өлтүрүүдөн да жаман, себеби анын башы алынган,"- деди Рейтер агенттигине.

Азаттык Фейсбукта

XS
SM
MD
LG