Донецкте өткөн түндөгү согуштук аракеттердин натыйжасында үч жай тургун набыт болду. Шаардык кеңештин маалыматы боюнча, бир катар турак-жай кыйрады. Шаарда жардыруулар жана атышуулардын добушу угулуп жатат. Айрым калктуу аймактардан (Иловайск, Новосветловка, Хрящеватое, Малониколаевка, Иллирия) алыс эмес жерлерде кагылыш уланууда. Жикчилдер Луганск станциясына болгон көзөмөлдү кайтарууга аракет жасоодо.
Аскерий-саясий иликтөөлөр борборунун жетекчиси Дмитрий Тымчуктун белгилешинче, өткөн түнү Кутейников аймагындагы украин аскерлери тарапка Орусия тараптан аткылоо болгон. (КЕ)
