АКШнын мамлекеттик катчысы Жон Керри Сирияда туткундалган америкалык журналист "ал-Каида" менен байланышы бар жоочулар тарабынан бошотулганын тастыктады. Питер Тео Кертис Катардын ортомчулугу менен бошотулган.
Мындан бир нече күн мурун америкалык журналист Жеймс Фоулинин мууздалганын жоочулар интернетке жарыялашкан эле. Британиянын АКШдагы элчиси Питер Вестмакотт журналистти мууздаган желдетти табуу үчүн үндү ажыратып билүүчү жаңы технология пайдаланылып жатканын билдирди. Ал Лондон акценти менен сүйлөгөнү аныкталган. (AiT)
