Жапаровдун адвокаты Владислав Лужанскийдин “Азаттыкка” билдиргенине караганда, бүгүн Биринчи май райондук соту “Кыргызалтындын” мурдагы башчысы Дилгер Жапаровдун ишин кароону улантат. Жапаров Кумтөрдүн 200 млн. долларын “Центерра Голдго” которуп жибергени үчүн Башкы прокуратура тарабынан 28-майда камакка алынган.
“Кыргызалтындын” жетекчисинин орун басары Кылычбек Шакиров 21-августтагы сот жараянында Дилгер Жапаров менен бетме-бет келиштирилип, анда Шакиров 200 млн. долларды которуу кыргыз өкмөтү менен макулдашуусу керек эле деген жүйөнү айтты. (AiT)
