Линктер

logo-print
ишемби, 03-декабрь, 2016 Бишкек убактысы 04:34

Кыргыз-тажик өкмөт өкүлдөрү чек арадагы жол курулушу менен таанышууда


Кыргызстан менен Тажикстандын өкмөт өкүлдөрү Баткендин Ак-Сай айылында жолугушту. Алар учурда чек арада талаш жаратып келаткан айланма жолдордун курулушу менен таанышууда. Бул тууралуу “Азаттыктын” аймактагы кабарчысы Жеңиш Айдаров билдирди. Анын айтымында, кыргыз тараптан вице-премьер-министр Абдырахман Маматалиев баштаган топ, Тажикстандан өкмөт башчынын орун басары Муродали Алимардон баштаган расмийлер келди.

Тараптар Көк-Таш – Ак-Сай – Тамдык жана Исфара – Ворух жолунун курулушуна жеринен күбө болушат. Ошондой эле Лейлек районундагы Кулунду – Максат жолунда эки көпүрөнүн курулушу да бүгүн башталат.

Быйыл жыл башынан бери Көк-Таш – Ак-Сай – Тамдык жолунун курулушуна тажик тарап каршы чыгып, чек арада бир канча жолу жаңжал чыккан. Өкмөттөр аралык ондон ашуун жолугушуулар болуп, августтун аягында тараптар жол куруу боюнча макулдашкан. (UEz)

Азаттык Фейсбукта

пикирлерди көрсөт

XS
SM
MD
LG