Линктер

logo-print
ишемби, 03-декабрь, 2016 Бишкек убактысы 08:37

Кыргызстандын менчикке укукту коргоо боюнча рейтинги жакшырды


Дүйнөлүк экономикалык форумдун 2014-15-жылга карата экономикалык атаандаштык боюнча чыгарган отчетунда менчикке укукту коргоо жагынан Кыргызстан 144 өлкө ичинен 3,2 балл менен 125-орунду ээлеп, өзүнүн позициясын 11 баскычка көтөрдү.

Буга чейин 2013-2014-жылдар үчүн ушундай эле отчеттун жыйынтыгы боюнча Кыргызстан 148 өлкө ичинен 136 - орунду ээлеп, 2,9 балл алган болчу. Отчеттун эрежесине ылайык, 1 балл менчикти коргоо укугунун эң начардыгын, 7 балл эң мыктылыгын көрсөтөт. Коңшу Тажикстан биринчи жолу рейтингге кирип, 3,9 балл менен 87-орунду ээлесе, Казакстан 70-орунду, Орусия 120-орунду, Украина 135-орунду ээледи.

Рейтингдеги биринчи орундарды Финляндия, Сингапур, Швейцария, Британия, Люксембург, Катар, Норвегия, Жаңы Зеландия жана Гонконг өлкөлөрү алышты. Эң төмөнкү үч орун Зимбабве, Гаити, Венесуэлага ыйгарылды.(AzK)

Азаттык Фейсбукта

XS
SM
MD
LG