Бүгүн Тажикстанда Шанхай кызматташтык уюмунун саммитинин расмий бөлүгү башталат. Саммитте регионалдык жана дүйнөлүк абал да талкууланат. Ошондой эле уюмга мүчө мамлекет лидерлери Украина кризиси боюнча маселени жабык эшик артында карашат.
Дүйшөмбү шаарында 11-13-сентябрь күндөрү өтө турган саммит "Кызматташуу, биргелешип өнүгүү жана гүлдөө" деген ураан астында уюштурулууда. Ага Кыргызстан, Орусия, Өзбекстан, Ооганстан, Казакстан, Кытай, Монголия, Түркмөнстан жана Иран республикасынын президенттери, Пакистандын премьер-министри катышып жатат. Ошондой эле жети эл аралык уюмдун жетекчилери келген. (SE)
