Жогорку Кеңештеги “Ар-намыс” фракциясынын депутаттары мектептеги хижаб маселесин референдум жолу менен чечүүнү талкуулады. Фракция мүчөлөрүнүн айтымында, бул маселе коомчулукта талкууланып, ар кыл пикир келишпестиктерди жаратып келет. Ошондуктан, муну элдик добуш берүү аркылуу чечүү зарылдыгын билдиришти.
Бирок айрым депутаттар бул маселе жарандарды бөлүп-жарат деп каршы чыгышты.
Учурда фракция мүчөлөрү жыйынды жабык өткөрүп жатышат. Анда өкмөттүн ишмердигин талкуулап, айрым министрлерди кызматтан алуу маселеси көтөрүлөөрү айтылууда.(EBM/BkA)
