Линктер

logo-print
дүйшөмбү, 5-декабрь, 2016 Бишкек убактысы 20:28

Көчмөндөр оюндары: көкбөрү боюнча кыргызстандык эки команда финалда


Ысык-Көлдө өтүп жаткан Биринчи дүйнөлүк көчмөндөр оюндарынын алкагында көкбөрү боюнча финалга кыргызстандык эки команда чыкты. Ушул тапта “Кыргызстан-1” жана “Кыргызстан-2” командаларынын чабандестери күч сынашууда.

Ал эми үчүнчү орун үчүн Түркия менен Алтайдан келген улакчылар майданга чыгып, 4:0 эсебинде алтайлыктар утуп алды.

Оюндар башталгандан бери көкбөрү боюнча өткөн беттештерде түрдүү өлкөлөрдөн келген 8 команда эки тайпада күч сынашты.

Биринчи дүйнөлүк көчмөндөр оюндары 9-сентябрда башталган. Ага катышуу үчүн 19 мамлекеттен 430 спортчу келген. Иш-чарада көчмөндөргө таандык спорттун 10 түрүнөн мелдештер өтүп жатат. Жалпы командалык эсепте Кыргызстан биринчи, Казакстан экинчи, Түркмөнстан үчүнчү орунда келатат.

Бүгүн оюндардын жыйынтыктоочу күнү. Жабылуу аземи кечинде Чолпон-Атадагы ат майданда өтөт. (SE)

Азаттык Фейсбукта

XS
SM
MD
LG