Бүгүн, 15-сентябрда Парижде Ирактагы кырдаалды талкуулоого арналган эл аралык жыйын болот. Ага БУУнун Коопсуздук кеңешинин адистери, Ирак жана ага коңшу мамлекеттердин расмийлери, Араб мамлекеттери лигасынын өкүлдөрү катышат.
Жыйында Ирак түндүгүндө жана Сирияда бир катар террордук актыларды жасап келаткан “Ислам мамлекети” экстремисттик тобуна каршы күрөшүү жана бул жаатта Багдадга жардам берүүнүн жолдору талкууланат.
