Жогорку Кеңеште үй-бүлөдөгү үчүнчү баладан соң ар бир балага 300 миң сомдон берүүнү караган мыйзам долбоор сунушталды. Мыйзамдын демилгечиси Айнуру Алтыбаеванын айтымында, долбоор үй-бүлөнү колдоого жана демографиялык абалды жакшыртууга багытталган. Бул үчүн жылына болжол менен 7,5 миллиард сом керектелет. Бул каражатты Кумтөр сыяктуу ишканалардын эсебинен төлөө сунушталууда.
Бирок өкмөт буга каршы чыгып, учурда бюджетте каражат тартыштыгынан мындай чыгымды жаба албасын билдирүүдө.(BkA)
