Тбилисинин шаардык соту Грузиянын мурдагы президенти Михаил Саакашвилинин, анын жубайынын, апасынын жана чоң энесинин мүлкүнө арест салды. Саакашвили бийликтен кеткенден кийин ал өлкөнү жетектеп турганда мамлекеттин мүлкүн себепсиз короткон деген айып тагылып, кылмыш иш козголгон болчу.
Адвокаттар бул айып негизсиз экенин айтууда. Саакашвили азыр АКШда жашайт жана ага карата козголгон кылмыш ишти "саясый өч алуу" деп атап келет. (RK)
