Кошмо Штаттардын мамлекеттик катчысы Жон Керри жана Ирандын тышкы иштер министри Мохамад Жавад Зариф 21-сентябрда Нью-Йорктогу жолугушууда “Ирак жана Леванта ислам мамлекети” террорчул уюму тараптан келип жаткан коркунуч жана Ирандын ядролук программасы боюнча келишимге жетишүүнү сүйлөштү. Бул жолугушуу Тегерандын ядролук программасы боюнча ири алты мамлекеттин жана Ирандын сүйлөшүүсүнүн үчүнчү күнүндө болду. Ирандын алты ири мамлекет менен сүйлөшүүсү мындан бир нече ай мурун токтоп калган. Ага Ирандын уранды байытууну жана центрфугаларды кыскартууга каршы болушу себеп болгон. (AiT)
