Линктер

logo-print
дүйшөмбү, 05-декабрь, 2016 Бишкек убактысы 04:50

Түркияга Сириядан качкындар агылууда


“Ислам мамлекети” деген уюмдун жихадчылары алдыга жылган сайын, качкындардын саны көбөйүүдө. Анкара эки күндүн ичинде Түркиянын аймагына 130 миңдей сириялык күрт ооп келгенин билдирди. Түркиянын вице-премьер-министри Нуман Куртулмуштун айтымында, бийлик мындан да көп качкындын агымына даярданууда. Анын алдында согушкерлер Сирия менен чек ара аймагындагы ондогон айыл-кыштактарды ээлеп алышкан.

Түркиядагы күрттөрдүн козголоңчулар тобу – PKK партиясы күрттөрдү Сирияга барып, Кобане шаарын курчоого алган жихадчыларга каршы күрөшүүгө үндөдү. Маалыматтарга караганда, Түркиянын коопсуздук күчтөрү алардын урушка аттануусуна тоскоол болууга аракеттенүүдө.

Азаттык Фейсбукта

пикирлерди көрсөт

XS
SM
MD
LG