Ош шаарынын 27 жаштагы тургуну жергиликтүү милицияга ири өлчөмдө ок-дары жана куралдарды тапшырды. Арасында 1 даана колдо жасалган граната, “Стечкин” үлгүсүндөгү тапанчанын окчонтойу, "Макаров" тапанчасынын 40 даана огу, ТОЗ-8 мылтыгынын 22 даана огу, Калашников автоматынын 4 даана огу бар.
Шаардык Ички иштер башкармалыгынын маалыматына ылайык, жаран курал-жарактарды Жапалак айылындагы дарактын түбүнөн таап алганын билдирген. Алдын-ала маалыматтар боюнча, алар 2010-жылдагы июнь калабасында уурдалган болушу мүмкүн. Иликтөө жүрүп жатат. (SE)
