Линктер

logo-print
ишемби, 03-декабрь, 2016 Бишкек убактысы 00:28

Азиада оюндарында кыргыз футболчулары Иорданияга жеңилди


Түштүк Кореяда өтүп жаткан Азия оюндарынын алкагында кыргыз футболчулары иорданиялыктарга 0:2 эсебинде утулуп калды. Жарым чейрек финалдын алкагындагы беттеш бүгүн болду. Оюндун негизги убакыты 0:0 менен аяктап, кошумча берилген 15 мүнөттө иорданиялыктар 2 гол киргизди. Ушуну менен кыргыз футболчулары Азия оюндарындагы мелдештерди жыйынтыктады.

Буга чейин Кыргызстандын олимпиадалык курамасы Иран менен 1:1 эсебинде ойноп, Вьетнамга 1:0го утулган. Эгер бүгүн иорданиялыктарды жеңсе, чейрек финалга чыкмак.

Инчхон шаарында 19-сентябрда башталган Азия оюндары 4-октябрда бүтөт. Ага Кыргызстандан спорттун 21 түрү боюнча 114 спортчу катышууда. Кыргыз өкмөтү алтын медал алган спортчуга 1 миллион 250 сом, күмүш медал үчүн 750 миң сом, коло алгандарга 500 миң сом байге сайган. Азырынча кыргыз спортчулары медал ута элек. (ECh\SE)

Азаттык Фейсбукта

пикирлерди көрсөт

XS
SM
MD
LG