Сергей Аксенов Орусия аннекcиялаган Крымдын жетекчиси катары ант берип, кызматына расмий киришти. Анын талапкерлигин парламент бир добуштан колдоду. 41 жаштагы Аксенов апрель айынан, Орусия Крымды аннексиялап алгандан бери бул аймакты жетектеп келатат. Ал министрлер кабинетин да чогуу башкарат.
АКШ жана Европа Биримдиги Крымды аннексиялоону айыптап келет. Украина Крымды өз аймагы катары эсептеп, анын бөлүнүшү мыйзамсыз экенин белгилеген. (КЕ)
