Эбола илдетине шектелип ооруканага жаткырылган 55 жаштагы кишинин оорусу тастыкталган жок. Ал Либериядан кайтып келгенден кийин ооруп калган. Бул тууралуу Чехиянын маалымат каражаттары жазып чыгышты.
Батыш Африкада марттан бери эболадан төрт миңге жакын адам каза тапты. Өткөн аптада АКШда бул илдетти жуктуруп алган адам каза болгон. Испанияда медайым Африка өлкөлөрүнө барбай туруп ооруну жуктуруп алган. Ушундан кийин АКШ аэропорт, порттордо коопсуздукту күчөткөн. (КЕ)
