Сауд Арабия соту бийликке каршы жүрүштөрдү колдогону үчүн шииттердин лидери, дин кызматкери, шейх Нимра аль-Нимраны өлүм жазасына кести. Бул тууралуу анын бир тууганы Мухаммед аль-Нимра твиттерге жазды. Анда аль-Нимранын үй-бүлөсү жакын арада бул боюнча кеңири билдирүү таратары айтылган.
Сауд Арабия бийлиги аны 2011-жылы Чыгыш провинциясындагы акцияларда «улуттук биримдикти бөлүп жарууга» катышкан деп айтыптоодо. Серепчилер соттун чечими шиит жактоочуларынын нааразылыгын туудурат, кырдаалды курчутушу мүмкүн дешет. (КЕ)
