Линктер

жума, 9-декабрь, 2016 Бишкек убактысы 15:53

“Алай” клубу чемпиондук наамын сактай албады


Футбол боюнча Кыргызстандын өткөн жылкы чемпиону, Оштун “Алай» клубу быйыл чемпиондук наамын сактай албады. Бул тууралуу мамлекеттин футбол лигасынын маалымат катчысы Базарбек Абдураимов маалымдады. Анын айтымында 18-октябрь күнү, Кант шаарында Топ лиганын 17-турунда “Алай” “Абдыш-Ата” клубу менен беттешип, 2:0 эсебинде утулду.

Чемпиондукка ат салышып жаткан командалар арасында азыр “Дордой” алдыда келатат. Аларда 41 упай бар. Экинчи тепкичте 36 упай менен “Абдыш-Ата” турат. “Алга” клубу 32 упай менен 3-орунда. Ал эми “Алай” 29 упай топтоп, 4-орунга чыкты.

2014-жылдын чемпиону 5-ноябрда аныкталат. Оюн талаасында “Дордой” менен “Абдыш-Ата” чечүүчү беттеш өткөрөт.

Быйылкы Топ лигада 8 команда ат салышты. Аз упай топтогон командалар - “Алдиер”, “Нефтчи”, “Ала-Тоо” жана “Манас” негизги олжо үчүн эмес, 5-8 орундар үчүн беттешет. (ECh)

Азаттык Фейсбукта

пикирлерди көрсөт

XS
SM
MD
LG