Евробиримдик Азербайжан президенти Илхам Алиевдин өткөн аптада жарыялаган мунапысын кубаттады. Биримдиктин кеңейүү жана коңшулашуу саясаты боюнча комиссары Штефан Фүле жана тышкы саясат боюнча комиссары Кэтрин Эштон 20-октябрда өткөргөн маалымат жыйында мунапыс 80ден ашуун соттолуучунун бошотулушуна шарт түзөөрүн белгилешти. Алардын арасында жарандык активисттер да бар экени айтылды. Биримдиктин өкүлдөрү Азербайжан бийлигинин бул кадамын “көңүл жубатарлык” деп баалап, мунапысты кеңейтүүгө чакырышты. (КЕ)
