“Балдарга карата зордук-зомбулукту бирге токтотолу” аталышында флешмоб акция бүгүн Бишкекте болуп өттү. Иш чаранын алкагында борбор шаардагы конуштарда жайгашкан беш мектептен жетимишке жакын окуучу чогулуп, бир нече бийди жалпы аткарышты. Алар бул бийлерди бийлөө менен өзү теңдүүлөр арасында кездешкен зомбулукка каршы туруу ниетин билдиришти.
Балдарга карата зордук-зомбулукту токтотуу демилгесин көтөргөн коомдук уюмдар 1-октябрдан 31-октябрга чейин бир айлык жарыялашкан. Бир айлыктын алкагында коомчулукту бул көйгөйгө кайдыгер карабай, биргеликте токтотууга чакырык жасашат. (ECh/TSh)
