Линктер

жекшемби, 11-декабрь, 2016 Бишкек убактысы 15:55

Орусия Кыргызстандагы аскер базаcын чыңдоону улантат


Бул тууралуу Орусиянын коргоо министри Сергей Шойгу билдиргенин аталган органдын расмий сайты кабарлады. Маалыматка ылайык, Шойгу министрлик алдындагы коомдук кеңештин жыйынында сүйлөп жатып, Орусиянын тыштагы аскер базаларын чыңдоону улантаарын айткан:

- Биз тыштагы аскер базаларды чыңдоону улантып жатабыз. Анын ичинде Кыргызстан, Тажикстан жана Армениядагы аскерий базаларды активдүү түрдө өнүктүрүп жатабыз, - деген Шойгу.

Учурда Кыргызстанда Орусиянын төрт аскерий объекти бар. Алар: Канттагы авиабаза, Ысык-Көлдүн Кой-Сары жана Кара-Булуң аймагындагы сыноо полигону, Чалдыбардагы байланыш түйүнү жана Майлы-Суудагы сейсмикалык борбор. Бул боюнча 2012-жылы жаңы келишим кабыл алынып, ага ылайык, Орусиянын Кыргызстандагы аскерий объекттери бирдиктүү аскер-аба базасына бириктирилген болчу.(BkA)

Азаттык Фейсбукта

XS
SM
MD
LG