Жалал-Абадда укук коргоочулар тобу ИИМге караштуу убактылуу кармоочу жайга барган учурда ал жерде камакта отургандар тамак-аштын начар экенин айтышты. “Азаттык үнү” уюму билдиргендей, камактагылар күнүгө бир бөлкө нан менен камыр тамактарды гана жеп жатканын, ден соолукка зыян келтирбөө максатында анын көлөмүн көбөйтүү зарыл экенин билдиришкен. Убактылуу кармоочу жайдын жетекчилиги тамак-аш начар деп айтууга негиз жок экенин белгилөөдө.
Жалал-Абаддагы абак 79 кишиге ылайыкташкан. Ал жерде азыр 49 киши отурат. Тамак-аш менен мэрия камсыздайт. (SE)
