Орус улутчулдары 4-ноябрда жыл сайын болчу “Орус маршын” өткөрүшүүдө. Бул жөрөлгө президент Путиндин демилгеси менен негизделген “Улуттук биримдик күнүнө” удаа жүрүүдө. Улутчулдардын эң чоң маршы Москвада жана мартта Украинадан аннексияланып алган Крымда болду.
Путин жана анын өкмөтү акыркы жылдары мекенчилдик менен улуттук сезимге көп басым жасашууда. Кремль кийинки жылдардагыдай эле улутчулдарга артын салып, алар маршын Москванын четинде өткөрүшүүдө. Бийлик менен кызматташкан мекенчилдердин парады Кызыл аянтта өткөнү жатат.
