Буга чейин Казакстанга кирген кыргыз жарандары беш гана күн каттоосуз жүрө алса, жакынкы күндөрдөн тарта бул мөөнөт бир айга чейин узарат. Бул тууралуу президент Атамбаевдин Астанага болгон иш сапарынан кийин Президенттик аппараттын Тышкы саясат бөлүмүнүн башчысы Сапар Исаков маалымдады. Исаковдун айтымында, учурда Казакстан кыргыз жарандарынын каттоосуз жүрүү убактысын узартуу боюнча мыйзамдарын жөнгө салууга киришти.
Эми мыйзамдар толук даяр болгондон кийин бул жараян күчүнө кирет.
