“Кыргызстандагы Ислам жана Православие: салттар жана бүгүнкү күн” аттуу форумга өлкөдөгү диний лидерлер: Мусулмандар дин башкармалыгынын башчысы, муфтий Максат Токтомушев жана Кыргызстан менен Бишкектеги Епископ Даниил (Семён Кузнецов) катышат. Ошондой эле диний аалымдар, мамлекеттик органдардын жана коомдук уюмдардын өкүлдөрү, элчиликтердин кызматкерлери чакырылган. Иш-чарада Кыргызстандагы салттуу диндердин бүгүнкү аракеттери, диний радикализмдин алдын алуу ж.б. маселелер көтөрүлөт.
Уюштуруучулардын белгилөөсү боюнча форумдун алкагында Кыргыз эл сүрөтчүсү Теодор Герцендин “Манас” эпосу боюнча тарткан иллюстрацияларынын көргөзмөсү болот.(ZKo)
