Линктер

бейшемби, 8-декабрь, 2016 Бишкек убактысы 20:21

Милиционердин өлүмүнө шектүү качкан абак жетекчилери иштен бошотулду


Бишкек милициясынын кызматкеринин өлүмүнө шектелген Александр Саяпин качып кеткен абактын жетекчилери кызматтан алынды. Бул тууралуу Жаза аткаруу кызматынын жетекчиси Советбек Арбаев билдирди. Анын айтымында, мурда мыйзамсыз курал-жарак алып жүргөнү үчүн төрт жылга соттолгон Саяпин жатак абакка мыйзамсыз которулган. Анын жатак абакка которулушуна тиешеси бар №32 абактын жетекчилери кызматтан алынды. Бул боюнча кызматтык иликтөө улантылмакчы.

42 жаштагы Александр Саяпин быйыл 11-октябрда түрмөдөн качып чыккандан бери изделип жаткан. 14-ноябрда аны кармоодо куралдуу каршылык көрсөтүп, шаардык милициянын опер кызматкери 28 жаштагы Бакай Сыдыгалиевге ок ачкан. Сыдыгалиев ошол жерде жан берген. (BkA/UEz)

Азаттык Фейсбукта

XS
SM
MD
LG