Татарстандын борбору Казанда өтүп жаткан Turkvizyon-2014 сынагына Кыргызстандан катышып жаткан Non-Stop дуэти финалга чыкты. 25 өлкөнүн ырчылары катышкан сынакта аталган дуэт алдыңкы 6-орунду ээлеп, финалга чыкты. Финал 21-ноябрда өтөт.
Бул сынакта жеңүүчү көрүүчүлөрдүн добушу менен эмес, калыстар тобунун чечими менен аныкталат. Түрдүү мамлекеттерден келген калыстар тобунун катарында Кыргыз эл артисти Гүлнур Сатылганова да бар.
Turkvizyon - түрк тилдүү өлкөлөрдүн ырчыларынын арасында жыл сайын өтчү музыкалык сынак. (BkA)
