Бул тууралуу “Азаттыкка” Улуттук банктын төрага орун басары Нурбек Жеңиш билдирди. Анын айтымында, 12 айлык инфляция 9,7 пайызды түздү. Буга азык-түлүктүн кымбатташы таасирин тийгизген. Негизинен ун, эт жана сүт азыктары кымбаттады.
Ошондой эле Нурбек Жеңиш акыркы апталарда валюта базарындагы абал турукташканын кошумчалады.
Улуттук статистика комитетинин билдиргенине караганда, керектөөчү баалар быйыл 6,8 пайыз жогорулады. Нефтетрейдерлер ассоциациясынын маалыматына караганда, жыл башынан бери Кыргызстанда күйүүчү майдын баасы 23 пайыз өстү. (BkA)
