Конголук гинеколог-дарыгер Денис Муквегеге сыйлыкты Европарламенттин президенти Мартин Шульц бүгүн тапшырды.
Муквегенин ооруканасы бир жыл ичинде Конго Демократиялык Республикасында зордуктоого туш болгон жүздөгөн кыздарды кабыл алган. Европарламент анын аялдардын укугун коргоо жаатында жасаган ишин жогору баалап, талапкерлигин бир добуштан колдогон.
Сахаров атындагы “Эркин ой жүгүртүү үчүн” сыйлыгы Европа парламенти тарабынан жыл сайын ыйгарылат. Адам укуктары жана сөз эркиндиги үчүн күрөшкөн жеңүүчүгө 50 миң евро берилет. (КЕ)
