Бул тууралуу "Азаттыкка" Ош шаарынын вице-мэри Жапарбек Ормонов билдирди. Анын айтымында, көпүрөнүн аты ошол көчөнүн эски аты менен бирге Алишер Новаи бойдон калат.
Буга чейин шаардык кеӊештин айрым депутаттары жаӊы курулуп жаткан көпүрөгө орус президенти Владимир Путиндин атын ыйгарууну сунушташкан. Алар бул демилгени көпүрө орусиялык гранттын эсебинен курулуп жатканы, Ош шаары менен Орусиянын бир нече шаарларынын ортосунда достук мамилелер бар экени менен байланыштырган.
Курулушка орусиялык гранттын эсебинен 667 млн. сом бөлүнгөн эле.
Учурда көпүрө курулушунун экинчи этабы жүрүүдө. (YI)
