30-ноябрь күнү өткөн парламенттик шайлоонун алдын ала жыйынтыгына ылайык көп добуш топтогон европачыл үч партия башкаруучу коалиция куроо жаатында сүйлөшүүлөрдү баштады. Кеңешүүлөр Либерал-демократтар партиясы, Демократиялык партия жана Либералдык партиянын ортосунда жүрүп жатат. Аталган үч партия жалпы добуштун 44 пайыздан көбүн алды, тагыраак айтканда алар парламенттеги 101 орундун 54үнө ээлик кылса болот.
Ал эми орусиячыл Социалисттер партиясы менен Коммунисттер партиясына берилген добуштар 39 пайызды түздү. Алдын ала божомол боюнча аларга 47 депутаттык мандат берилет. (SE)
