Линктер

бейшемби, 8-декабрь, 2016 Бишкек убактысы 04:07

Жогорку Рада Украинанын жаңы өкмөтүн жактырды


Украинанын парламенти премьер-министр Арсений Яценюктун жетектөөсүндөгү жаңы өкмөттү жактырды. Кечээ Жогорку Рададагы добуш берүүдө кабинетти 288 депутат колдоду. Мындан 5 жумадай мурда өткөн парламенттик шайлоодо батышчыл партиялар утуп чыккан.

Өткөн айдын этегинде 5 саясий партия өкмөттүк коалиция тууралуу макулдашып, ыкчам реформаларды жүргүзүүгө, өлкөнүн Европа менен интеграция багытында иш алып баруусуна убада кылышкан.

Яценюк экс-президент Виктор Янукович кызматынан кулатылгандан көп узабай, февралда өкмөт башчылыкка дайындалган.

Жаңы кабинетке бир нече чет өлкөлүк жаран киргизилди – финансы министрлигин америкалык Натали Яреско жетектемекчи. Мурда Мамлекеттик департаментте иштеп келген Яреского 2-декабрда Украинанын жарандыгы берилген.

Экономика министри кызматын литвалык банкир Айварс Абромявичус аркалайт, саламаттыкты сактоо министри болуп Грузиянын президенти Михаил Саакашвили учурунда саламаттыкты сактоо министри болуп иштеген Александр Квиташвили дайындалды.

Азаттык Фейсбукта

XS
SM
MD
LG